當睇完Roger Federer 對Janko Tipsarevic既澳網第三圈賽事後鏡頭轉向Janko Tipsarevic時，喺電視機前既肥龍，實在衷心為呢位比賽既敗者拍手喝采．
可能好老土咁講，若單以兩位球手呢場表現計，要有一方要敗陣實在殘忍．不過比賽歸比賽，勝負亦在其中．賽前偏淡既Janko Tipsarevic，可能因為對住一哥Roger Federer 下，反而喺冇心理壓力，最後以強勁正手抽擊打出自己既風格．
講真，呢場四個多小時既比賽內，喺唔少關鍵時刻，真係替Roger Federer 擔心．不過，Janko Tipsarevic又實在打得好好．
每次Janko Tipsarevic打出如炮彈般但落點刁鑽既正手大斜線，眼見Roger Federer欲救無從時，真係要大拍手掌！有時，除咗欣賞球手表現，比賽就係要有激情．又因為咁，比賽先好睇，先至投入．
勁！
不過比賽中，除咗臨場表現，仲有經驗及時機．今次勝利屬於Roger Federer．
沒有留言:
發佈留言