雖然只係過咗一半, 呢個零七年呢, 真係過得唔易.
今日臨放工時候, 同事L 請肥龍食魷魚, 送上辭職信一封.
講真, 呢個情景, 雖非首次, 但每次遇到, 總係覺得好似電影「Speed 」咁, 問點解每次啱啱搞好一樣, 轉頭又有另一樣野要處理. 兜兜轉轉, 忙完又忙, 一直徘徊於人事遊戲中. 結果一面盤算今年人手安排及項目計劃既同時, 一面又為穩定團隊而抓狂. 有時心諗, 就算平日儲埋幾多正能量都好, 遇著呢啲情況, 真係唔知可以OD 到幾時. 就算有人話放工後應該抽番自己出黎, 唔好諗咁多, 不過喺今時既情況下, 肥龍真係做唔到, 兼且繼續諗.
有時, 一個人靜既時候, 莫講話要堅持, 就算係自我鼓勵都唔係咁易... 結果只有粒聲唔出, 留喺度寫扑舒緩一下.
咁, 仲可以咁樣講, 既然依家仲可以寫同呻出黎, 起碼表示呢一刻, 肥龍仲可以清醒同知道自己做緊乜、堅持緊乜. 不過咁都無乜辦法, 畢竟今年勞工市場非常活躍, 最終只係苦咗肥龍呢類夾心階層. 最怕就係連鎖反應, 都唔知會唔會有...
聽朝仲要同老細討論有關同事L 去留既方案呀. 肥龍應該可以頂得住, 唔駛籐, no problem!
8 則留言:
近排好多公司都係咁 !
努力去面對啦 !
肥仔, 我會呀! 感謝!!
You're not alone, man! My situation is much much even worse.
加油喇！駛死咩！^_^
係, 唔駛死! ^^
其實我好低b, 瞓醒就無野. 由從新出發.
只係對最近工作上既起伏感到攰. 另外, 亦希望自己可以放鬆啦.
多謝哂!
我都想可以好似你咁做到瞓醒就無嘢，我都唔得！我仲低B喇。
咁我善忘ma....
不過講時講, 今朝既討論就唔係咁順利囉, 但仲有排傾呀.
only way, increase increase salary lor....
話加就加就無咁煩呀. 雖然呢個似乎係唯一既辦法, 但中間夾雜好多人為因素同顧慮.
不過我已經定咗我既bottom line.
發佈留言