講開喜愛既廣告, 欲罷不能.
喺故事及軟銷方法上, 肥龍好鍾意睇呢輯廣告.
廣告人巧妙咁利用當時森柏斯同阿加斯既關係及事件去創作呢兩個廣告(亦敵亦友, 瑜亮之爭既關係, 但其實私底下十分老死兼互相欣賞). 結果, 觀眾見到既係兩個由埸內打到場外, 令人印象深刻既「故事」.
阿加斯形象鮮明眾所周知, 但值得贊歎既係, 廣告裏亦把平日沉默寡言, 內斂既森柏斯拍得生動活潑起來. 說明或想傳遞一點訊息, 就係當一個人做一啲自己鍾意做既野時(例如片中打一場網球場外網球賽), 係可以需要啲神經質, 係可以仲好玩啲既.
而扮演旁述既麥根萊亦十分搞笑.
至於最後兩個邊個勁啲?! 又好似無結論及交代喎...(無得罪雙方擁躉^^)
睇完, 真係想立刻走落馬路打番場一樣既網球.
咁呢, 就正正套入品牌既口號中.
15 則留言:
Just do it. I like it.
想起以前的"想做就去做"。
Hi,
呢輯廣告既靈感,應該係來自95年美國公開賽決賽,當時森柏斯同阿加斯有一分打左二十幾板,好精彩架,到依家都記得...
http://www.youtube.com/watch?v=OuL1yf0oNQ0
s-pig,
多謝你. 我之前搵極都搵唔到你留呢條片!
many thanks!!
燒豬,
係既, 係既. 咁究竟係"想做就去做", 定係"做咗先算"呢? ^^
我諗好多人都會覺得呢兩句都係差唔多，冇乜分別。你咁問，好明顯你係覺得有唔同喇。嗱，我唔知你點諗，對我黎講，分別直頭係好大。
"做咗先算"，就真係唔理三七廿一，諗都唔駛諗就去做，後果? "唔知喎" 果隻。
而"想做就去做" 個"想" 字就係關鍵嘞。對好多人黎講，呢個"想" 字就真係想吓嘅啫，但係我嘅"想" 係全套思考過程 go through 晒，包含晒所有分析同評估，當然最重要嘅係包括埋後果預測、風險評估，甚至承擔最壞結果嘅能力。
咁樣"想"法，跟住就去做，都打死無怨嘞。
P.S. 全套思考過程同思考時間並唔一定要成正比架。
話時話，當年"想做就去做"呢句廣告語，好似都引起過啲議論，話教壞人喎，咁嘅態度做人唔啱喎。
所見略同. 不過就快有會要開, 晏啲再寫. ^^
Ha, 我大部分中學時代都好鍾意阿森柏斯架...個場決賽,仲有其他好似溫布頓,master cup,真係一場都唔會miss架...
燒豬,
終於可以坐定黎答番你.
係呀, 我既然問你, 當然覺得兩者有唔同.
"做咗先算"，通常係諗都唔諗後果或冇得評估風險就去做, 而且多數係做之前已經知有問題, 但又冇其他選擇, 喺乜都唔做以外既選擇. 聽落比較冒險.
"想做就去做" 就係喺充份了解自己能力及資源後, 為追求卓越而去做. 盡己之力, 盡情發揮去做, 對結果無悔. 係比較正面果一種, 亦視為挑戰, 亦可視為夢想.
s-pig,
咁你有冇買US Open呀, ATP 呀, 各大滿貫既DVD呀? 我有幾隻森柏斯既精華片斷.
我以前有錄低架...依家冇晒啦...鳴鳴鳴...
你有買森柏斯既dvd??真有眼光...hahaha...我欣賞佢打波個種瀟洒同沉著呀...我覺得依家呀費達拿都幾似佢架...
都冇話眼光唔眼光, 鍾意睇佢打波果種冷靜. 而且佢既反手winner真係好勁好型架.
費達拿其實打法上真係好似, 都係好全面. 不過唔知佢係咪太過沉靜, 打波永遠冇咗團"火", 個人就覺得差少少.
同意呀...費達拿冇阿森柏斯既火呀...應該話佢團火冇咁出呀...不過連阿加斯都退埋休...佢地既年代,真係結束左lu...
估唔到馬拉松之外,你都有留意tennis噃...有冇keep住打呀?
你咪睇我講成咁, 其實我打波好水皮架! ...執波多過打波, 我啲朋友就成日有打, 你呢?
依家好多運動, 除咗跑步外, 大部份都係用眼(去睇)同口(吹水)去做咋! ^^
s-pig, 你有冇跑馬拉松架?
chur...
我間中都有打波架,不過就冇跑馬拉松,所以好佩服你同Samsara架...
唔好咁講, 玩埋一份就得啦!
下年(半馬拉松)目標係兩小時!
發佈留言