早排肥龍行開科學館睇恐龍化石, 除咗睇恐龍骨及不同既化石外, 亦令肥龍諗起同家中傭人有關既一件事.記得大約兩年前喺太古城亦有舉辦過一次恐龍化石展覽.
咁喺呢段期間, 有日肥龍同家人到太古城午飯後途經展覽會場. 咁肥龍見唔算人多, 又冇咩人排隊兼且免費, 都唔理家人及傭人有冇興趣, 就拉埋佢地一齊入去「貢」吓.
點知睇咗大約十五分鐘左右, 就喺其中一件三角龍既化石面前, 傭人問咗肥龍一個問題.
傭人: 「Mr. 肥龍, 依家仲有冇(活)恐龍架?」
肥龍: 「ｏｏｏ...」
停頓數秒後, 肥龍只好收拾心情繼續完成埋餘下既部份.
後來肥龍諗, 會唔會啲CG 或「侏羅紀公園」拍得太「堅」呢?
7 則留言:
CG 係咩黎架?
點解你咁冇禮貌唔答你個工人嘅問題架！
燒豬,
CG 係指 Computer Graphics呀, 即我地依家睇戲講果啲電腦特技.
我有答佢架! 其實最後我坐車返屋企時有再同佢詳盡解釋恐龍絕種既原因架. ^^
唔好意思，我太衝動嘞，怪錯你添！
但係...你真係有"詳盡解釋"? 你個工人用左好耐架嗱?又咁好耐性同佢講解嘅。（我好似有啲問題啊呵?唔答又話冇禮貌，答左又話駛唔駛咁詳細呀！）:P
係呀,果時已經做咗三年, 依家仲幫緊我地手.
講番轉頭, 果陣我特登攞咗份場刊簡介(英文)俾佢睇呀, 不過見佢好似無咩興趣睇咪同佢講咗一陣同解釋囉. 我諗佢都係好奇先問我既. 只係我以為呢啲係常識先有咁既反應囉.
正如以前人類唔知道地球係圓一樣. 只係時代, 資訊唔同.
不過, 後來先知佢真係唔知原來恐龍已經絕種.
肥龍兄：
你唔講小弟真係唔知，原來唔知道恐龍已經絕種既人，都仲未絕種。
c.m. 兄,
你果句, 有趣.
仲有架，不果而家變左蜥蜴
發佈留言