10.6.07

過去今天

就算冇睇燒豬果邊, 單係近日睇埋電視啲回歸十年節目呀, 人物專訪呀, 十年前後既tag呀, 「過去今天」呢四個字彷彿一直徘徊喺腦海入面.

記得九七年七月一日就好似最近幾日咁全日落住大雨. 記得, 當年喺電視機畫面裏睇住肥彭喺離開港督府前接過英國旗時果個黯然無光既表情, 依然歷歷在目.

尋日肥龍初次踏足尖東既歷史博物館時, 行到「七一回歸」既部份時, 再見過去香港既發展同經歷, 及回歸交接儀式時, 心裏亦不自然咁感動出黎.

不過果一刻, 肥龍同時對自己既身份產生咗一份迷失感.

******

相對「過去」、「今天」, 肥龍更加留心「明日」. 所謂每日都係新一日, 明日永遠令人期待. 而且平日思考「明日」時已經腦交戰, 實在唔可以花時間去緬懷「過去」. 但就非常專重「過去」, 嘗試學習. 因為所有發生過到既都係人生既一部份.

不過, 亦希望過去所經歷既, 唔會成為明日想法既局限.

最近, 肥龍正為「明日」思量下一步既起點.

******

「過去與今天」- 係肥龍一首好鍾意既歌, 只記得係廿年前港台劇「暴風少年」既主題曲. 套劇講乜已經呢記得, 但有幾句歌詞就鍾意到不得了.

就像 就像 就像
像那方的星光閃動 眼也會發光
仰望浮雲常變不定 暗裡嘆一聲
衝出他朝崎嶇道上 那怕會退倒
試問誰人曾會考慮 過去與今天


如果冇過去, 就冇今天. 但好多人就係只想大家認同「今天」既佢, 又或者留意他人「今天」所得. 不過今天既成功及繁榮, 係咪代表過去未曾失敗過呢? 相反, 今日見到不堪失敗既佢, 又係咪代過去未曾成功過?

而且發光與慨歎, 未試過又點知呢?

6 則留言:

xiao zhu 說...

明日永遠令人期待,是因為我們總會抱著明天會更好的正面想法。但是又可曾試過,當眼看今日將盡,而明知道今天的苦惱仍然會在明天延續,那麼有時會難免有一時半刻的逃避心態,最好黎明不要來。

很同意你最後所說的,很多人只見別人今日如何風光,卻不懂、不會去想其實別人的昨天已經付出了多少。

英倫肥龍 說...

「明知道今天的苦惱仍然會在明天延續,那麼有時會難免有一時半刻的逃避心態,最好黎明不要來。」

正是此刻肥龍既心境. 弄清楚後, 就會去處理.

xiao zhu 說...

得到共鳴,真好!

英倫肥龍 說...

得你到訪及留言, 更好! ^^

Unknown 說...

一見到呢幾個字的Topic,我第一時間就諗起Beyond 首歌,yeah !

英倫肥龍 說...

係架, 啱哂你啦!