就算唔跑渣打(半)馬拉松, 每逢週末, 一有時間, 肥龍就會走去跑步.由香港仔海旁至淺水灣既距離大概八公里左右, 一般需時約四十分鐘內就可以完成. 而肥龍最佳時間則為三十一分鐘.
不過唔知係最近工作忙碌定係疏於練習, 最近兩次跑步, 跑到莫氣, 需要中途停低休息再跑...今日更可能因為天氣太熱及中午食得過飽, 竟然唔可以完成全程. 真激氣!
睇黎真係要的起心肝, 要再次努力保持及回復狀態, 否則下年想以接近兩小時完成半馬拉松的話就真係諗都唔駛諗咯!
另外, 肥龍仲整咗個時間表去留意進度, 希望可以跑番好少少.
8 則留言:
加油！
多謝! (咁啱你原來睇緊呢度呀!)
不過如果真係想兩小時完成的話真係要的起心肝架! :P
我好佩服去跑馬拉松嘅人，因為我自己做嘢冇乜恆心、毅力。
不過我只係跑(半)馬拉松, 所以樣樣都係做得一半! :P
唏，你好似唔止跑左一次固喎，就當係兩次，咁兩個一半加埋咪係完整嘅"一"囉！
點講都好，五十步笑百步就有啫，你幾時聽過話零步笑五十步吖? ^^
咁熱天時你仲去train?小心d呀,飲多d水,唔好中暑呀...
係呀, 真係差啲中暑, 而且有輕微缺水跡象. 所以最後決定停止及休息.
不過放心, 我會留意身體情況架啦!
不如你考慮夏天去gym room,遲d涼返少少先出去跑啦...我由屋企行去火車站短短5分鐘路程都已經勁標汗...個時8:30都未夠呀...
發佈留言